Police Station 6 duna nay ginasundang nga grupo nga gapangawat ug motor sa ilahang AOR

General Santos City–Duna na matud pay ginasundan nga grupo karon ang Police Station 6 nga responsible sa pagpangawat ug motorsiklo sa ilahang area of responsibility ug sa uban pang lugar.

Sumala pa ni Police Major Tirsu Pascual ang hepe sa Police Station 6 nga basi sa nakuha nila nga CCTV sa area kung asa nahitabo ang mga pag pangawat ug motor sa syudad migula nga posibleng usa lang ka grupo ang nagabuhat niini hinungdan nga iyaha na kining ginapatutukan.

Dugang pa sa nahisgtan nga mga dayo matud pa ang suspect ug aduna lang silay mga kaubananan sa syudad sa Gensan kung asa nila dal-on ang motor nga ilahang nakawat ug gina chop-chop ang mga spare parts aron nga ibaligya.


Nakig alayon naman usab ang Station 6 sa uban pang Police Station ning syudad aron sa mas dali nga pag sikop sa mga suspect, gani nagpakatag na sila ug mga intel operatives aron sa pag monitor sa mga suspect.

Samtang nanawagan si Pascual sa mga nanag iya ug motorsiklo nga ampingan ang ilang mga motsiklo balok sa mga kawatan ug siguruhong dili tagaan ug opurtunidad ang mga suspek nga makawat ang ilang motorsiklo.(Dave Silangan)

Facebook Comments