Policewoman nga uban sa giambush-patay nga pulis girelib sa puwesto

81

Giparelib ug ipaubos sa imbistigasyon ang babayeng pulis nga gikauban sa giambush ug gipatay nga si PO2 Romeo Bolaño didto sa lungsod sa Minglanilla kagahapon. Ang policewoman nga si SPO2 Maricor Aliganga nadestino sa syudad sa Naga apan gikauban kini ni Bolaño atol sa pagkahitabo sa ambush . Si Aliganga anaa sa usa ka pawnshop kay adunay gihimo nga transaksiyon samtang nahitabo ang pagpusil ni Bolaño. Ang hepe sa Cebu Provincial Police Office nga si Sr. Supt Edgar Alan Okubo nibutyag nga lakip sa ilang susihon kung unsa ang gihimo nga transaksiyon ni Aligangan sa maong establisamento ug nganong nagkauban sila ni Bolaño. Blangko pa ang kapolisan sa motibo sa pagpatay ni Bolaño apan gikompirmar ni Okubo nga ang maong pulis gilambigit ngadto sa drug personality nga si Franz Sabalones . Nahibong usab kini kung nganong si Bolaño nia sa Sugbu nga didto na man unta kini nagreport sa Personnel Holding and Accounting Unit sa Kampo Crame human usab kini nabalhin gikan sa Cordillera Administrative Region. www.avg.com/email-signature?utm_medium=email&utm_source=link&utm_campaign=sig-email&utm_content=webmail>

Facebook Comments