Preparao ya el fuerza del policia local para el implementaccion del seguridad por el llegada del Zamboanga Hermosa festival.
Na entrevista del RMN Zamboanga na programa Alarma 900 enantes aga con el mismo hefe del policia local Senior Supt. Neri Vincent Ignacio, ele ya abla cay presentamente, na lugar ya el su mga instruccion con el mga personajes del policia, lo mismo el deferntes mga hefe del cada presinto sabe ya tambien cosa hace na modo sel seguridad.
Si Ignacio ya abla cay en coordinaccion con el Task Force Zamboanga (TFZ) prinsipya sila conduci dry run del manera de seguridad na venedero semana para fuede pa replaza y coriji el cosa mga modo de seguridad que hay hace sila.
Ta continua apela si Ignacio con el Zamboanga City Water District para hace a acava con el construction del pipelaying project na sentro del ciudad para hinde este contribuji na fesao condiccion del trapico llegar el fiesta pilar. *- Bhong Simbajon/RMN News*
