Polis patay, matapos tiruhon sa Tantangan, South Cotabato.

Patay si Patrolman Mangued M. Salumandeg nga nadestino sa Regional Personnel Holding and Accounting Section, matapos tiruhon sa bahin ang National Highway, Prk. 5, Dumadalig, Tantangan, South Cotabato, alas 4:20 sang hapon, Disyembre 24, 2021.
Base sa imbetigasyon magasakay na kuntani sa iya motorsiklo si Patrolman Sumalandeg sang tiruhon sang wala nakilal-an nga may malip-ot pa nga istoryahanay sa tunga nila bag-o nagluntad ang pagpangluthang.
Gindala pa sa ospital si Pat Sumalandeg, apang gindeklarar nga patay sang attending physician.
Gilayon naman nga nagpatigayon sang hot –pursuit operation ang operating units sang Tantangan MPS sa posible pagkilala kag aresto sa mga suspek.
Nakuha naman sang South Cotabato-SOCO sa crime scene ang fired cartridge case sang ginaaligar caliber 45 nga gindala naman sa South Cotabato Provincial Forensic Unit, Koronadal City para sa cross-matching examination.
Nagpalab-ot naman sang simptiya si PBGEN Alexander Tagum sa pamilya sang polis kag ginsiguro nga himuon sang PRO 12 ang tanan nga makilala kag maaresto ang mga suspek agud nga maangkon ang hustisya.
Suno kay PBGEN Tagum, ginakondena sang hanay sang PRO 12 ang pagpatay sa isa pa ka polis sa rehiyon.

Facebook Comments