Polis pilason, matapos nadisgrasya.

Pilason ang isa ka polis, matapos nga nadisgrasya sa bahin sang Brgy. Zone IV, Koronadal City, South Cotabato, alas 8:40 kagab-i, Hunyo 11, 2021.
Ginkilala ang biktima kay PSSg Ruel Villaruz Nuevo, PNP member nga naasign sa South Cotabato Police Provincial Office, 36 –anyos kag residente sang Brgy. Sta Cruz, Koronadal City.
Imbolbado sa nasambit nga disgrasya sa dalanon ang isa ka unit sang Hyundai Sedan nga ginamaneho sang biktima bilang V1 kag 1 ka unit Man Truck bilang V2, ginamaneho ni Nelson D. Aguas, 43 years old kag residente sang General Santos City.
Sa Imbestigasyon sang Koronadal City PNP traffic section , samtang nagasubay halin sa banwa sang Tantangan ang V1 padulong sa direksyon sang New City Hall, Koronadal City kag ang V2 ang nagasubay sa opposite direction, apang pag-abot sa nasambit nga lugar aksidente nga nagbungguanay ang duha ka mga salakyan.
May-angot sini, ang driver sang V1 ang nakaangkon sang pilas sa mga nagkalain-lain nga parte sang iya nga lawas nga gindala naman sa ospital, samtang ang driver sang V2 ang luwas naman nga gindala sa Koronadal CPS Traffic Section para sa nagakaigo nga disposisyon.

Facebook Comments