Politika! Cagayan de Oro City Mayor Moreno, andam dawaton sa ilang partido si kanhi Mayor Emano

29

Bisan si Dongkoy Emano, mo-uban sa akong Partido, ako siyang dawaton.

Kini ang gibutyag ni Mayor Oscar Moreno niadtong Lunes atol sa pagtampo ni A-B-C President ug Councilor Yan Lam Lim sa iyang partido P-D-P Laban.

Matud ni Moreno nga bukas ang iyang poder sa politika alang ni Emano kon ang kanhi Mayor ning syudad motabang pagsilbi sa katawhan ning syudad ug dili mobabag.

Gibutyag ni Moreno nga mas sayon ang paghatud sa serbisyo sa katawhan kon pulos kaabag ang iyang mga kauban sa City hall.

Apan sa pangutana kon iya bang dawaton si Kanhi Congressman Rufus Rodriguez kon motampo kini sa iyang partido, wala kini matubag sa mayor ning syudad.

Gawas lamang sa iyang pag-ingon nga ang style sa politika sa kanhi Congressman sa 2nd District sa Cagayan de Oro mao ang politics sa gasto panahon sa eleksyon ug dili politika sa serbisyo.

By: RadyoMaN Nitz Arancon

Facebook Comments