Polomolok PNP may suspek na sa pagpamusil patay kang Barangay Kagawad Cariaga

General Santos City–Personal grudge ug kalabutan sa trabaho mao kini karon ang mga anggulong gitutukan sa Polomolok PNP sa kamatayon ni Barangay Rubber, no. 2 kagawad Jemuel Cariaga kansa una nang gipusil alas 8:00 pasado sa buntag niadtong Myerkules.

Sumala ni Police Supt. Samuel Cadungon, ang hepe sa Polomolok PNP nga si Cariaga aktibo sa kampanya batok iligal nga droga mao nga posibleng daghan ang nasuko kaniya nga mga lambigit sa illegal drugs.

Nasayran nga si Cariaga maoy chairman sa peace and order and police matter sa Barangay Rubber kansa maoy gapangunay ug witness sa matag operasyon batok iligal nga droga.


Gikumperma usab ni Police Supt. Cadungon nga aduna na silay suspek sa pagpamusil-patay kang kagawad cariaga. Sumala niini nga aduna silay testigong gihuptan kansa miila sa suspetsado sa krimen.

Kahinumduman nga dihang gipusil patay si kagawad Cariaga adunay nakakita tungod daghan mang tawo sa lugar niadtong higayona.

Facebook Comments