Poluy-an sang isa ka public school teacher sa banwa sang President Roxas, nasunog!

President Roxas, Capiz – Ginabanta nga nagalab-ot sa P400, 000 pesos ang kabug-osan nga halit sa pagkasunog sang poluy-an sang isa ka manunudlo sa Locsin Village Brgy Pantalan, President Roxas, Capiz, alas 10:45 kahapon sang aga.
Ini ang ginapanag-iyahan ni Marybeth Villanueva kun sa diin gintupok gid sang kalayo ang 2nd floor sang iya poluy-an.
Kalakip sa mga nagkalasunog ang laptop, component kag iban pa nga kagamitan.
Nahibaloan nga yara ini sa eskwelahan kahapon nga adlaw bangud sa ginapatigayon nga Brigada Eskwela 2019.
Padayon pa ang imbestigasyon sang mga katapo sang BFP kun anu ang ginhalinan sang sunog.
photo(c)- Kapitan Jeffrey Dela Cruz

Facebook Comments