Poor health protocol compliance nisangko sa COVID surge

31

Davao City- Tataw nga wala gayod nagtuman sa health protocols ug gahi ang mga ulo sa mga tao hinungdan nga nibuylo ang pagsaka sa kaso sa coronavirus sa dakbayan sa Davao.

Kini sumala kang Dra Marie Yvette Barez, Infectious Diseases Specialist sa Southern Philippines Medical Center (SPMC) sa interbyu sa RMN Davao.


Gikaitok usab niini ang nikaylap nga mga hulagway sa social media nga racing sa Crocodile Park diin ang mga tawo walay social distancing ug delikado kung adunay mga positibo sa COVID-19 sa kadaghang nilantaw sa maong aktibidad.

Matud ni Barez, laing factor sa taas nga ihap sa kaso tungod mas daghan na ang ma-test na pinaagi sa RT PCR sa tulo ka mga operating laboratoratories sa syudad.

“On a positive note at least nadi-detect natin na daghan gyod diay we are getting the true picture sa Davao. Ikaduha naga-increase ta’g capacity sa test dapat naganaog ang positive, kung ni-submit ang mga tao sa atong gihimong policy and precautions, ang ginapabuhat nato kung wala, ibig sabihin lang niyan wala gyod nagasunod ang mga tao,” sumala ni Barez.

Nagpadala og rekomendasyon ang mga health officials ngadto sa lokal nga panggamhanan sa Davao sa mga measures aron mapugngan ang pagsutoy sa kaso sa COVID-19.




(Aimee Guinita)

Facebook Comments