Pork Chorizo nga halin sa Davao City nakumpiskar sang PVet South Cotabato kag OMAG Tampakan.

17

Naglab-ot sa 30 ka packs sang pork chorizo ang nakumpiskar sang Provincial Veterinary Office sang South Cotabato kag OMAG sa banwa sang Tampakan kahapon nga adlaw, Enero 15, 2021.
Nakumpiskar ang 10 ka packs sang pork kag beef chorizo sa Barangay Sta. Cruz kag 20 ka packs naman sang pork chorizo ang nakumpiskar sa Brgy. Maltana, Tampakan.
Samtang tanan suno pa nga pakete ang wala sang label kag kumpirmado nga halin sa Davao City.
Nahibaluan nga hugot nga ginabawal ang pagpasulod sa South Cotabato sang buhi nga baboy, karne, chorizo, tocino kag iban pa nga pork processed pork products nga halin sa mga lugar nga apektado sang African Swine Fever(ASF) base naman sa ASF Provincial Ordinance #36 series of 2020.

Facebook Comments