Kompermadong sa sunod tuig mobalhin na sa ilang opisina ang Phil. Ports Authority (PPA) Port Management Office PMO dinhi sa Butuan didto sa lungsod sa Nasipit, Agusan del Norte. Kini ang gikumperma ni Juancho Talili, Port Services Division Manager.
Niya pa tungod sa kahumok sa yuta sa Butuan maong wala makapasar ang proposal nga dinhi sa syudad tukuron ang ilang buhatan ug mas gipaboran sa Head Office sa PPA nga itukod ang ilang bag-ong building didto sa Nasipit nga adunay budget nga mokabat sa 50 milyon pesos.
Madumduman nga gawas sa PPA una nang mibalhin ang Population Commission Caraga Regional Office sa Lungsod sa Buenavista ug mosunod ang Civil Service Commission sa Agusan tungod sa gikaingong libreng luna nga gihatag nila sa LGU.
Sent from my Samsung Galaxy smartphone.
