Potable water i-supply sa diarrhea-affected families sa Tigatto diin 3 ang gikatahong namatay

23

Davao City – Gipaniguro sa Barangay Tigatto, Buhangin District, Davao City nga masuplayan og limpyo o potable nga tubig ang mga apektadong pamilya partikular na sa Purok 10, Sitio Balon samtang gidili una ang paggamit og tubig sa lugar human nga adunay mga nagkasakit ug namatay tungod sa diarrhea.

Sa interbyu sa DXDC RMN Davao kang Kapitan Lito Lapitan sa Barangay Tigatto, gibutyag niini nga paningkamutan nila nga mahatagan og mainom nga tubig ang apektadong residente diin ilaha usab nga hatagan og gallon o water container ang nahisgutan aron maoy masudlan og tubig.


“Just in case nga mahutdan sila (og tubig), at least duol-duol nalang sa Deca sila magpa-retail. I-retail nalang nila ang tubig kay most likely ingon ana na man goy ginahimo karon even kanang naay NAWASA, ang kanang ginagamit nila kanang sa (water) refilling station na man gyod,” segun ni Lapitan.

Sa pagkakaron, gihulat nalang nila ang resulta sa pag-examine sa sample sa tubig nga gikuha sa City Health Office (CHO) ug Department of Health (DOH)-XI gikan sa ilang water source aron masuta kung kini ang hinungdan sa insidente sa diarrhea diin tulo (3) na ang kumpirmadong patay samtang aduna usay laing gidala sa balay tambalanan.

RadyoMaN Kirby Manzon

Facebook Comments