Banga, Aklan—Padayon makaron nga gina imbestigahan it Banga PNP rong insidente it salisi nga natabo matapos mabiktima rong sangka poultry supply sa Banga Public Market kahapon.
Base sa panaysayon it tag-ana nga si Aireen Ramos sa Banga PNP anang napan-uhan nga uwa eon ro anang bag nga nakatong-tong sa may counter matapos nga may una nga lima ka mga tawo rong nagpakuno-kuno nga mabakae it feeds, bugas ag grocery.
Ko ulihi hay naghambae rong lima nga balikan lang nanda ro andang binakae ag pumanaw.
Ro lima ka mga suspek hay ginakaeakipan it daywa ka babaye ag tatlo ka mga eaeaki nga mga disente man mag pang beste.
Napan-uhan man ra sanda nga sumakay it kotse matapos rong insidente.
Nasayuran nga ro sueod ko nasambit nga bag hay sangka cellphone, P 20,000, USD 45, ATM ag iba pang importanteng mga dukomento.
