PPCRV: Vote buying batukan

Davao City – Malaumon sa limpyo ug malinawon nga eleksyon ang Parish Pastoral Council for Responsible Voting (PPCRV).

Atol sa interbyu kang PPCRV Chair Emeritus Henrietta De Villa sa tulumanong ‘Straight to the Point’ uban si RadyoMaN June Duterte, nanawagan kini nga dili iboto ang mga politico nga nagapanghatag og kwarta aron nga sila mudaug.

“Kasi ang vote buying ay nasa botante din yan, pag hindi mo tinanggap walang mangyayari dun sa bumibili,” saysay niini.


Matud ni De Villa nga kinahanglan kini ireklamo aron magsilbi nga ehemplo nga usa ka dakong krimen ang vote buying.

Gi-awhag usab niini ang mga botante nga magsayo og botar aron daling makita ang naka-assign nga presinto gani mamahimong magpatabang sa mga taga-PPCRV panahon nga dili makita ang pangalan sa voter’s lists.

Ang PPCRV usa ka citizens’ arm sa Commission on Elections (Comelec) kinsa gihatagan og mandato nga muhatag og edukasyon sa mga botante ilabi na sa hilit nga lugar, mubantay sa matag polling precinct atol sa eleksyon, ug mobuhat og ‘unofficial parallel count’ aron ma-validate ang turn-out sa mga boto.

Dugang sa maong PPCRV chairperson nga di’ kalimtang mangayo og tabang sa Gino-o pinaagi sa pag-ampo atol sa pagbotar.

“Habang ginagawa natin ating role as vote citizens kailangan din may tulong sa Panginoon kaya manalangin tayo,” segun niini.

RadyoMaN Jason Amisola

Facebook Comments