Presidente Duterte gipasalamatan ang mga health workers, COVID-19 frontliners sa katapusang SONA

21

Davao City – Dako ang pagpasalamat ni Presidente Rodrigo Duterte sa tanang frontliners ilabi na gyud sa mga medical health workers sa ilang tabang sa kampanya ug response sa gobyerno batok Coronavirus Disease 2019 (COVID-19).

Atol sa State of the Nation Address (SONA) ni Presidente Duterte kagahapong adlawa (July 26, 2021), ayha pa man niini gibutyag ang mga kalampusan ug nahimo sa administrasyon sa milabay’ng lima ka tuig, gipasalamatan niini ang mga indibidwal nga nahimong frontliners labi na sa mga health and safety protocols nga ginapatuman.


“Allow me this opportunity to extend my personal and the nation’s gratitude to all those who selflessly gave their all in the fight against COVID-19, our health workers and other frontliners who risked their own safety,” mensahe sa pangulo.

Gikalipay usab sa presidente ang pagdawat sa mga lideres sa matag Local Government Unit (LGU) sa hagit hatud sa pandemic ug ang pagpangingkamot sa nahisgutan aron maprotektahan ang ilang ginsakpan batok sa balatian.

“To our local executives, this pandemic pushed you to step up and deliver responsive assistance. I’m glad to have seen you undertake new and heightened responsibility working doubly hard to protect your constituents,” sulti sa presidente.

Gipaabot usab sa pamuno nasud ang iyang pagpasalamat sa mga pribadong sektor nga mitabang sa COVID-19 response ug kooperasyon sa katawhang Pilipino alang niini.



Daghan usab nga Davaoeños ang midayeg sa nahimo sa pangulo ug nanghinaut nga mahimo ug matiwas pa sa administrasyon ang mga proyekto nga ilahang nasugdan.

RadyoMaN Kirby Manzon


Facebook Comments