Presidente sa PMA gi-awhag ang LGU nga tugutan usab ang mga traysikel nga mubyahe sa adlaw nga Dominggo

26

General Santos City–Gikalipay ni Philippine Medical Association PMA President Dr. Fidel Penamañte nga ginatugtan na sa syudad nga makasimba ang mga tawo sa adlaw nga Dominggo.

Apan ang problema lang nga nakit-an sa Doctor mao nga dili tanan ang makasimba tungod kay walay masakyan ang uban gumikan ginadid-an man gihapon ang pagbyahe sa mga depampasaherong traysikel og traysikad sa adlawng Dominggo.


Matud ni Penamañte nga dili man tanang tawo adunay kaugalingong sakyanan hinungdan nga importante usab nga matugutan ang mga pampublikong transaksyon nga maka-byahe. Miapela usab ang Doctor nga unta bisag panahon lang sa buntag nga maoy tigsimba sa mga tawo matugutan ang mga mga traysikel og traysikad aron adunay masakyan paingon sa simbahan ang mga walay kaugalingong sakyanan.

Matud niini nga pabor usab kini sa mga nanginabuhian nga mga drayber aron aduna silay ma-income nga magamit alang sa ilang panginahanglanon sa panimalay hilabina ang pagkaon. Nagtoo usab si Dr. Penamañte nga daghan pang angay buhaton ang lokal nga panggamhanan sa Gensan aron mapugngan ang pagkuyanap sa covid 19 sa syudad. Una nang gibutyag niini atul sa interview sa RMN Gensan nga gikulangan ang mga miembro sa PMA sa lakang nga ginahimo sa LGU sa pakigbatok sa covid-19 sa Gensan. (JB)

Facebook Comments