Personal nga gipaabot ni Radio Mindanao Networks, Inc. kon RMN President Eric Canoy ang iyang pahalipay ngadto sa tanang empleyado sa dxCC-RMN human nahimong overall number one radio station sa Cagayan de Oro.
Kini atol sa usa ka simpleng selebrasyon nga gihimo sa dxCC-RMN kaganihang udto nga gitambongan usab ni RMN Vice President for Operations Enrico Canoy ug Cagayan de Oro City Mayor Oscar Moreno.
Sa maong okasyon, padayong gidasig sa Presidente sa RMN ang tanang empleyado nga mas dugangan pa ang pagpaningkamot diha sa pag-alagad sa katawhan pinaagi sa paghatag sa mga serbisyo nga ilang gikinahanglan.
Samtang, gipaabot usab sa Vice President for Operations ang iyang pahalipay ug padayong suporta alang sa mga nahimo ug padayon pang himoon sa dxCC diha sa pag-alagad sa katawhan.
Lakip usab sa gipahalipayan sa kadagkoan sa RMN ang I FM CdeO nga naa sa top 3 sa mga FM Stations ning syudad.
