Presidente sang Firecrackers and Pyrotechnics Association sa Koronadal, ginhangkat ang mga retailers nga indi magbakal sang low standard nga klase sang palupok kag tudluan ang mga customer.

23

Ginhangkat ni Sir Johmel Alo, Presidente sang Firecrackers and Pyrotechnics Association dire sa syudad sang Koronadal ang mga firecrackers retailers nga likawan gid ang pagbakal sang low standard nga klase sang palupok kapareho sang kwitis, tudluan ang customer kon paano maggamit kasubong sang pasirit kag iban pa agud malikawan ang disgrasya tuga sang legal nga klase sang palupok.

Ini matapos nga base sa datos sang Provincial Health Office sang South Cotabato sang nagligad nga tuig sa 27 ka firecracker-related injuries nagapanguna ang pasirit sa nakabiktima nga anum ang nainjured nga ginakabig nga legal man nga klase sang palupok tungod ginhuyop nga indi tama nga paggamit, lakip man sa legal nga nakabiktima ang kwitis, roman candle kag Luces.


Ginaadvice niya man sa kapareho nga retailers nga istrikto gid nga ipatuman ang mga polisiya kapareho sang no testing, indi magpalusot baligya sang ilegal nga klase sang palupok kag iban pa agud malikawan ang anuman nga disgrasya.

Natalana naman nga magaumpisa baligyaanay sang firecrackers dire sa syudad sang Koronadal sa Disyembre 21 subong nga tuig.

Facebook Comments

From Advertisers