Presyo sa school supplies wala pay pagtaas

Davao City – Wala pay natalang pagtaas sa presyo sa mga school supplies sa kasamtangan subay sa impormasyon sa Department of Trade and Industry (DTI).

Sa pakighinabi sa DXDC RMN Davao kang Rachel Remitio, City Director sa DTI-Davao, gibutyag niini nga wala pay natalang price increase sa school supplies subay sa monitoring sa departamento sa nakalabay nga duha ka semana karong bulan sa Mayo.

“Based on the monitoring done for the past two weeks, starting in the month of May, wala man gyuy significant increases sa prices ng school supply,” saysay ni Remitio.


Gipasabot ni Remitio nga nagdepende usab ang mga manufacturers sa Suggested Retail Price (SRP) nga ipagawas rason nga nagpabilin gihapon ang susamang presyo sa ilang produkto sa milabay nga tuig.

“Kining atong mga manufacturers, guided ni sila sa SRPs. Considering nga wala pay gipagawas, so gi-maintain pa gyud nila ang SRPs nga gi-issue in 2018,” saysay ni Remitio.

Samtang, gibutyag ni Remitio nga gikatakdang ipagawas DTI-Davao ang listahan sa presyo kun SRP sa mga school supplies ayha pa man ang pag-abri sa klase karong bulan sa Hunyo.

RadyoMaN Kirby Manzon

Facebook Comments