Davao City – Nadismaya ang pipila ka DavaoeƱos sa pagtaas sa presyo sa karneng baboy, manok, isda ug uban pang palaliton luyo sa nasinatiang pandemya.
Sa komento sa netizen nga si DenDen sa post sa DXDC 621 RMN Facebook page, gibutyag niini nga labing naapektuhan sa taas nga presyo sa palaliton ang mga nawad-an og trabaho ug wala pa gihapon nakabalik partikular na kadtong anaa sa mga industriya nga dili makonsiderang essential services.
“Halos tanan nawad-an og trabaho labi na ‘tong dili basic needs. Wala pa intawon naka balik sa trabaho like photographer, peryahan, unya mahal pa kaayo nag palitonon. Asa man āta paingun ani? Paita!,” komento ni DenDen.
Matud usab ni alias Jessie, mitaas ang presyo sa palaliton apan walay pagtaas sa ilang sweldo rason nga apektado gihapon sila sa maong price hike sa nag-unang produkto sa merkado.
Una nang gibutyag atol sa interview sa DXDC RMN Davao kang Ricardo OƱate, Department of Agriculture (DA)-XI Regional Director nga kinahanglang magbaton og price ceiling sa maong mga produkto diin pulongon niini ang mga stakeholders ug uban pang hingutungang ahensya karong adlawa (Enero 27, 2020).
RadyoMaN Kirby Manzon
