Nagreklamo si New Zealand Prime Minister Jacinda Ardern nga makatol ang iya ginsoksok nga barong sa Gala dinner sang ASEAN 2017.
Gin-ako ni Ardern nga indi sya komportable sa iya barong kag ginlaragway niya ini nga scratchy and quite starched.
Wala man ginpaathag ni Ardern kun ano ang iya buot silingon sa kaangay nga description sang barong.
Ivory colored barong ang soksok ni Ardern sa dinner sadtong Dominggo.
Pila ka mga netizens ang nagreact nga posible nasobrahan sang armirol ang barong sang Prime Minister gani starchy ang iya description.
Mahimo nga wala man naanad ang Prime Minister sang New Zealand sa klase sang fabric nga gin-gamit sa barong.
Ang barong sa nahibaluan amo ang national costume sang Pilipinas para sa mga lalaki apang may nagahimo na sang pambabaye nga barong bilang kabahin sang fashion trend.
