Prime mover truck sang banwa sang Moises Padilla naanod sa baha

24

Gin-anod sang baha ang prime mover truck sang banwa Moises Padilla. Ini ang gin-confirm sa DYHB ni Reynald Horegue, head sang Disaster Risk and Reduction and Management Office sang banwa, sa diin magluwas sa heavy equipment may duha man ka baka nga gin-anod kag may mga manok kag kanding nga nagkalamatay.

Masobra naman sa 100 meters sang access road padulong sa Brgy. Inolingan ang nautod bangud man sa pagbinaha. Sa karun, wala pa sang final assessement sa kabug-usan nga balor sang kahalitan sa agrikultura, livestocks kag engineering sang banwa.


Samtang kapin sa 170 inviduals gikan sa 42 ka pamilya ang gin-evacuate sa Brgy. 1 kadungan sang pagsaka sang tubig.

Sa pihak nga bahin, gin-athag ni Horegue nga indi flood-related ang pagkalumos sa sapa sang isa katuig nga bata sa Brgy. Guinpanaan. Suno kay Horegue, Oktubre 25 nalumos ang bata kag nagluntad ang pagbinaha sa banwa kahapon, Oktubre 26. Ginakabig ni Horegue nga isolated nga aksidente ang natabo kay Princess Joy Eustaño .

Si Princess Joy ang ginabantayan sang iya walo ka tuig nga magulang apang ginbilin niya sang makadali ang iya manghod nga nagahampang kag sa iya pagbalik, wala na ini kag sang ginpangita nakit-an nga nalumos na kag napatay.

[image: image.png]




Facebook Comments