Prime Water kumpyansa nga masolusyunan ang kakulang sang tubig sa Bacolod

32

Ginapasiguro sang Prime Water Infrastructure Corporation nga capable sila nga mahatagan solusyon ang problema sa kakulang sang suplay sang tubig sa ciudad sang Bacolod.

Ini ang kasunod sang opisyal na nga pagsugod sang 25 katuig nga Joint Venture Agreement (JVA) kahapon, Noviembre 13, sa tunga nila sang Bacolod City Water District (BACIWA) matapos nga gin-dismissed sang korte ang ginpasaka nga kaso sang Amlig Tubig nga nagatuyo i-nullify ang ginpirmahan nga kontrata.


Suno kay Engr. Romeo Sabater, Vice-President sang Prime Water Infrastructure Corporation, kun matukod na ang mga development projects nga ila ginpasalig, ma-address na ang kakulang sang tubig sa ciudad. Suno kay Sabater, 50 porsyento lang sang residential area sang Bacolod ang malab-ot sang BACIWA sa karun kag katunga pa sini indi 24/7 ang tubod sang tubig.

Ginapasalig man sang kompaniya nga wala sang disconnection tubtob sa Disyembre 2020 santo sa resolusyon ni Councilor Simple Distrito kag wala sang pagtaas sang bill sa masunod nga isa katuig.

[image: image.png]

Facebook Comments