PRISO NA | Kuwaiti airport police nga nagpaso kag nagkastigo sang Pinay HSW, napriso na!

136

Report ni: Tita Jen Palomo Debaja Nag viral sang Marso 9 ang video sang isa ka Pinay nga naga pangayu sang bulig nga marescue sa iya salbahe nga amo. Puro lagub kag paso ang lawas sini sang makit an sang isa man ka pinay sa park upod ang amo. Gin ideyahan nila nga madala sa cr agud makuhaan sang video ang nasambit nga biktima. Ginkilala ang pinay kay Bretchie Lyn,27 anyos, taga Siquijor,may bana kag 4 ka kabataan. Nag abot ini sa Kuwait subong lang nga Enero agud mag ubra bilang household service worker. Santo sa pahayag ni Bretchie Lyn,ginmaltrato ini sang iya amo nga isa ka airport police tungod gid lang sa nagpalpak nga timpla sang ginluto nga putahe sang Marso 5. “Natikman po niya ‘yong luto ko na maalat, ‘yon po sinunog po iyong balat ko ng lighter… dito po sa katawan ko. Ginanu’n po iyong uniform ko at saka dito po sa may kamay,” Indi lang ini isa ka bes nga gin himu sa iya sang amo.Isa ka adlaw antis siya gin paso sang lighter, ginkastigo man ini sang wala siya dayun nakig hampang sa bata sang iya amo. Marso 10 ginrescue si Bretchie Lyn sang mga tinawo sang Philippine Embassy sa Kuwait . Gin paidalum man ini sa medical check up kag sa bulig sang embahada napasakaan sang kaso ang iya amo asta nga napriso. Sa subong may ara 30 ka rescue cases ang ginabaton sang embahada kada adlaw. Nagpadala naman sang augmentation team ang Department of Foreign Affairs para magbulig sa rescue. Masobra na 1,000 nga distressed overseas Filipino workers (OFW) ang yara subong sa Philippine Overseas Labor Office-Overseas Workers Welfare Administration shelter sa Kuwait.

Facebook Comments