PRO 11 gipasalig nga itunol ang hustisya ngadto kang Arch. Bragas

Davao City- Dili lung-an sa mga awtoridad ang pagpangita hangtod sa madakpan ang mga responsable sa paglugos patay sa 28 anyos nga si Architect Vlanche Marie Bragas.

Gibutyag ni PLtCol Eudisan Gultiano, Special Investigation Task Group (SITG) ug Police Regional Office (PRO) 11 spokesperon, aduna nay direksyon ug posibleng mga personalidad nga adunay kalambigitan sa brutal nga pagpatay sa biktima apan ginakompirma pa nila kini sa mas pulido ug mas lig-on pa nga mga ebidensya.

Giangkon ni Gultiano nga dakong hagit kini alang kanila apan dako ang ilahang kumpyansang matunol ang hustisya ngadto sa pamilya ni Arch. Bragas.

Sumala niini nakatutok sila ngadto sa tanang mga bag-ong palit nga modelo sa bao-bao trike diin ang mga imbestigador ginasubay na ang tanang mga suppliers.

Nanawagan usab kini sa pasaherong nisakay sa bao bao trike una nisakay ang biktima niadtong May 16,2023 Martes 10:35 sa gabie nga gipick up gikan sa Teacher’s Village ug nikanaog sa sa may Jollibee sa Calinan nga muduol ug makigkooperar sa mga kapulisan.

Gipanganti ni Gultiano nga nagpabilin nga ‘on the top of the situation’ ang kapulisan ug namentenar gihapon sa mga kapulisan ang Peace and Order sa entero Davao Region.

RadyoMaN Aimee Guinita

Facebook Comments