General Santos City—Gimando na ni PNP 12 Regional Director Brigadier General Alfred Corpuz sa mga Provincial ug City PNP director sa tibuok rehiyon nga sulbaron na ang sunod sunod nga pagpamusil ug uban pang kriminalidad sa Region 12.
Ang kamanduan gipagawas ni Brig. Gen. Alfred Corpuz human sa sunod-sunod nga patay nga natigayon sa rehiyon.
Sa Interview sa RMN Gensan News Team ngadto kang PRO-12 Spokesperson Lt. Col. Lino Capellan, nagpahayag sa iyang kadismaya si Brig. Gen. Corpuz gumikan na usab sa pakyas nga kampanya sa kapulisan sa Rehiyon batok mga kriminal hilabi na sa mga kaso sa pagpamusil.
Gimando na usab ni Brig. Gen. Corpus ngadto sa mga Provincial ug City PNP Director sa matag Police Office ingon man sa uban pang Unit sa kapulisan nga ilang pakusgan ang lang mga istratehiya aron mabatukan ang krminalidad.
Dapat usab pakusgan pa sa mga local police units ang ilang police visibility, intelligence monitoring, security patrols ug checkpoint operations.
Nasayran nga usa sa mga adunay daghang kaso sa pagpamusil patay mao ang lungsod sa Polomolok sa South Cotabato ug lunsgod sa Matalam sa North Cotabato.
Samtang sa Gensan, sa bulan lang sa Enero, siyam na ka kaso sa pagpamusil ang natigayon diin pito ka mga indibidwal ang nakabsan ug kinabuhi.
