Kumbinsido si PRO-6 Director Brigadier General John Bulalacao sa performance sang kapulisan sa war on Drugs.
Ini bangud nagnubo na ang supply sang illegal nga druga sa Western Visayas kon sa diin pamatuod diri ang mataas nga presyo sang druga.
Base man sa data sang Police Regional Office 6, naglab-ot sa 889 na ka mga drug personalities ang natigayon nga maaresto sang kapulisan sa 713 ka anti-drug operations nga ila ginlunsar.
Sa pihak sini, masobra pa sa 1,700 ka durugista sang Western Visayas ang kinahanglan nga madakpan sang mga otoridad.
Bangud sini, ginmandu ni Bulalacao sa mga kapulisan sa bug-os nga rehiyon nga labi pa nga pabaskugon ang war on drugs agud indi na magbalik ang malala nga sitwasyon sang illegal nga druga sa Western Visayas.
