ILOILO – Ginpanginbulahan ni Police Regiona Office 6 Director Chief Superintendent Cesar Hawthorne Binag ang Iloilo Police Provincial Office (IPPO), Regional Intelligence Division kag Negros Occidental Police Provincial Office sa madinalag-on nga joint operation kag pagkadakop sa mag-amay nga Arturo Balume Sr. alias Master Pedic kag Arturo Balume Jr. alias Turing sa Poblacion, Hinobaan, Negros Occidental, Huwebes sang hapon.
Ini ang ginpahayag ni Binag sa press conference sang PRO 6 kadungan man sa pagpresentar sa mag-amay nga Balume sa katapo sang media.
Suno kay Binag ini bilang sabat sa ginpromisa sang kapulisan nga tutukan ang Quinto distrito matapos nga nadakpan sang nagligad si Richard Prevendido.
Sa gihapon, wala naga-untat ang kapulisan sa ila padayon nga imbestigasyon apesar nga ginhatag na sa PDEA ang operasyon kon iligal nga droga ang hambalan.
Suno kay BInag padayon nga nagasuporta kag magabulig ang mga kapulisan.
