PRO 6 naka-alerto na subong nga holiday season

41

ILOILO City – Naka-alerto na ang bug-os nga puwersa sang Police Regional Office 6 subong nga holiday season.

Ginpahayag ni PRO6 Director Chief Supt. John Bulalacao, bastante nga kapulisan ang ipahamtang sa tanan nga places of convergence partikular sa mga tourist spots, malls kag mga simbahan.

Apisar nga full-alert status ang kapulisan sa rehiyon nagpangabay man si Bulalacao sa publiko nga mangin alisto man sila sa mga kawatan.

Ini ang mga tion suno sa opisyal nga madata ang kinawatay bangud nahibalu-an sang mga kriminal nga madamo sang kwarta ang pumuluyo subong nga paskwa.

Ginarekomendar sang PRO6 sa publiko nga dapat may ara sila sang numero sang ila mga police stations para gilayon nga marespondihan sa tion nga may magaluntad nga insidente.

Photo from web

Facebook Comments

From Advertisers