PRO-6 , padayon nga gina-imbestigaran ang bomb threat nga nabaton sang University of San Agustin

Padayon nga gina-imbestigaran sang kapulisan ang panibag-o nga bomb threat sa University of San Agustin kaina sang hapon.

Suno kay PSupt. Joem Malong, spokesperson sang Police Regional Office 6, gina-verify pa sang otoridad kon sin-o ang sa likod sang Felix Tan nga Facebook account nga amo ang nagpadala sang mensahe sa Facebook page sang University of San Agustin nga may bomba sa Rada hall sang eskwelahan.

Dugang pa ni Malong, gina-usisa sang kapulisan kon konektado ang bomb threat sa USA kaina sang hapon kag ang bomb threat sa Ateneo de Iloilo kahapon, Oktubre 2.


Ginpahayag ni Malong nga magluwas nga ginapahadlok ang publiko, posible may iban pa nga rason sa magkasunod nga bomb threat.

Suno kay Malong, eye opener na ini sa tanan agud mag-aligmat kag ireport gilayon sa kapulisan kon may makaduluda nga bagay sa palibot .

Ginahingyo naman sang kapulisan ang kooperasyon sang publiko .

(photo from web)

Facebook Comments