PRO XI: 183 violators nasikop, 174 armas nasakmit sa election gun ban period

37
Davao City- Nagmalampuson ang kapulisan sa hugot nga pagpatuman sa seguridad ug pagkab-ot sa Secure, Accurate, Free/Fair Elections (SAFE) National and Local Elections (NLE) 2022 taliwala sa daghang ihap nga nadakpang mga gun ban violators.

Sa report sa PRO XI, musumada sa 183 ang nadakpang gun ban violators, 174 ang narekober ug nasakmit nga mga nagklase-klase sa armas, 32 ang nakuhang improvised weapons ug 710 ammunitions.

Ang maong mga datus resulta kini sa police operations; 58 buy-bust, 1 illegal logging, 9 operations batok loose firearms, 18 ka implementasyon sa search warrants, 2 warrant of arrest, 54 police responses, 28 checkpoints ug 1 Oplan Katok.

Gibutyag ni Police Brigadier General Benjamin Silo Jr., Regional Director sa PRO 11, nagpasalamat siya sa efforts sa tanang kapulisan, mga katambayayong nga mga peacekeeping forces, matag Local Government Units ug publiko aron magpabiling hapsay ang entero Davao Region atol sa COMELEC Gun Ban period nga natapos niadtong Hunyo 8, 2022.

RadyoMaN Aimee Guinita

Facebook Comments