PRO XI: Bakuna hugot gibantayan

33

Davao City – Bantay sirado sa kapulisan sa Davao Region ang COVID-19 vaccines nga miabot na sa Davao City kagahapong adlawa.

Sa interbyu sa RMN Davao kang Police Regional Office XI Regional Director Police Brigadier General Filmore Escobal, nakatutok sila karon sa pag-secure sa mga bakunang anaa sa storage facility sa Southern Philippines Medical Center (SPMC).


Nangunay mismo si Escobal sa pagimplementar sa security measures ug hugot niya kining gimonitor sa Regional Command Center

Matud ni Escobal kung adunay mahitabong movement sa mga bakuna ngadto sa laing mga probinsya preparado na ang mga personahe sa pagbantay niini.

“Ready din ang ating mga pulis to secure them while in transit, in the area or even sa pag-administer sa mga vaccination centers,” segun ni Escobal.

Gibutyag ni Escobal, nagtoo siyang mutamod sa panawagan ni Presidente Rodrigo Duterte ang mga Communist armed groups nga dili hilabtan ang mga bakuna.



RadyoMaN Aimee Guinita


Facebook Comments