PRO-XI: Investment schemes tutukan tanan

186

Davao City – Dili lang ang KAPA Community International Inc. ang ginatutukan karon sa kapulisan sa rehiyon apan lakip usab ang uban nga mga financial investment schemes nga ninggula karong mga panahona.

Kini maoy pagtino nga giluwatan ni Police Regional Office (PRO-XI) Spokesperson Police Major Jason Baria atol sa interbyu sa DXDC News Team kaniya diin naka-focus sila sa mga nahimong kontrobersiyal sama sa KAPA subay sa marching order ni Pres. Rodrigo Duterte.


“NBI was tasked and the CIDG so the local police will support them. Ang CIDG meron na ding accomplishment on other schemes’ identity dito sa ating region,” segun ni Baria.

Saysay ni Baria nga sa pagkakaron aduna silay na-monitor nga investment scheme outfits nga naga-operate nga guerrilla-type.

“Sa atin dun is maibalik lang ang pera sa general public at ma-stop ‘tong mga operation nila na mga ganito, hindi lang sa KAPA, Rigen at Ever Arm na binigyan ng Cease and Desist Order (COD) ng SEC kaya ini-identify natin ‘to sila before the pronouncement ng ating president,” matud sa tigpamaba.

Pagpaklaro usab ni Baria nga bisan pa man kun gina-atiman na sa pipila ka mga illegal investment firms ang payout sa ilang investors, magpadayon gihapon ang ilang imbestigasyon.

Mag depende usab ang ilang pagpasaka og kaso kung adunay mureklamo kontra sa maong mga financial schemes samtang 15 pa lang ka mga investors ang pormal nga nagreklamo ngadto sa Tagum City Police Office.

Gani, gi-awhag sa regional police spokesperson ang uban pang nabiktima nga mupatim-aw aron matabangan ug ma-aksyonan ang ilang mga mulo.

RadyoMaN Jason Amisola

Facebook Comments

From Advertisers