PRO XI magpabiling non-partisan sa eleksyon

22

Davao City – Gipanganti sa Police Regional Office (PRO) XI nga magpabiling non-partisan ang kapulisan sa May 9, 2022 National and Local Elections.

Sa interbyu sa RMN Davao kang Police Major Eudisan Gultiano, PRO XI spokesperson nga mandato nila nga magpabiling patas karong piniliay.


Nagpasidaan si Gultiano sa mga pulis nga dili gamiton ang mga government resources sa PNP aron proteksyunan ang usa ka kandidato.

Gisiguro niini nga dili mamahimong bias ang PNP ug ipatuman ang balaod sa tanan.

Mamahimong magatubang og administrative charges ang usa ka pulis kung mapamatud-an kining adunay involvement sa partisan politics.

RadyoMaN Aimee Guinita



Facebook Comments