PRO12, andam na sa pagsugat sa bag-ong tuig

6

General Santos City— Andam na ang Police Regional Office 12 sa paghatag ug siguridad sa pagsugat sa bag-ong tuig unyang tungang gabii.

Sumala kang Police Superintendent Aldrin Gonzales, tigpamaba sa PRO12 nga bag-uhay lang natapos ang gipahigayong conference sa kapulisan kung asa nahisgutan ang pagbantay sa siguridad.

Pamahayag niya nga unang semana pa lang bulan Disyembre dihang nagdeploy na ang Regional Office ug dugang pwersa sa managlahing lugar sa rehiyon.

Nanawagan usab si Supt. Gonzales sa publiko nga mag-amping sa pagsugat sa bag-ong tuig ug likayan nga madisgrasya gumikan sa mga pabuto.

Awhag usab niini sa publiko nga tabangan ang kapulisan sa pagbantay sa siguridad pinaagi sa pagpabiling mabinantayon sa palibot ug magpakabana sa unsa mang mahitabo sa kumyunidad

Panghinaut man usba sa kapulisan nga magpabiling hapsay ug malinawon ang pagsugat sa bag-ong tuig ug walay unsa mang kakulian nga mahitabo.

Facebook Comments