PRO12, nanguna sa may pinaka-taas nga crime solution sa tibuok nasud

12

General Santos City— Gipasigarbo ni Police Chief Superintendent Marcelo Morales, Regional Director Sa Police Regional Office 12 nga nangnauna ang rehiyon sa pagsulbad sa mga kaso sa riding in tandem criminals.

Sumala niya nga makonsidera gyud nga usa sa ilahang mga kalampusan mao ang pagtaas sa crime solution sa rehiyon pasabot nga adunay maayong resulta ang ilahang pagtrabaho.

Dugang pamahayag ni P/CSupt. Morales nga pabilin ang iyahang direktiba sa tanang kapulisan sa rehiyon nga ipadayon ang ilahang mga crime prevention program.

Pamahayag niya nga mas maayong walay mahitabong krimen sulod sa rehiyon, apan kung aduna man, kinahanglan nga paspas ang pagrespondi sa kapulisan.

Saysay pa niya nga gawas sa crime prevention program ilaha karon nga mas ginapakusgan ang crime intervention ug crime solution aron mahatagan ug hustisya ang mga nahimong biktima sa managlahing krimen.

Kahibaluan nga sa unang unom ka bulan ning tuiga, adunay 83 ka kaso sa pagpamusil sa rehiyon nga hinimuan sa riding in tandem criminals ug 51 niini ang gikonsiderang cleared ug solve. pasabot nga uban ang nadakpan na ang mga suspek samtang uban ang napasaka na ang kaso sa korte.

Facebook Comments