PRO9 lauman nga mag deploy ug 3, 117 ka mga pulis para sa summer vacation.

22

Ang PRO9 andam na sa pag deploy sa 3, 117 ka mga police Officers dinhi sa tibuok Zamboanga Peninsula arom nasiguro ang kahapsay ug kalinaw sa mga pampublikong lugar sama sa mga tourist spots isip tipik ug kabahin sa summer security plan nga gitawag ug “Ligtas Sumvac 2019,” nga pormal kining gilusad niadtong Abril 2, 2019

Butyag pa ni PRO9 Director Police Brigadier General Emmanuel Luis D Licup, magbutang ug mga pulis diha sa kadalanan, mga terminals, pantalan, tugpahanan, ug mga tourist destinations lukop sa rehiyon 9, aron masiguro nga walay mga dautang tawo ang makahigayon sa paghimo ug mga dili maayong buhat atol sa summer vacation ug semana santa.

Gibana-banang moabot sa 1, 628 ka mga force multipliers ug mga volunteer groups dinhi sa rehiyon ang mo tabang sa kapulisan sa pagsiguro sa nagdakaiyang mga pampublikong lugar.

Samtang gipahinumduman usab ni director Licup ang publiko nga kanunayng alerto ug magbinantayon sa palibot.

Iya usab nga gihatagan ug gibug-aton sa pagpahinumdom sa publiko nga kung adunay mga kadudahang tawo o mga butang, gilayong itaho sa pinakaduol nga buhatan sa pulis aron dali mahatagan ug aksyon.

Facebook Comments