Gipaubos na sa Community quarantine ang probinsiya sa Camiguin.
Kini ang gikompirma ni Police Lt. Col. Wendelyn Cinco ang Spokesperson sa Provincial Police Office kon PPO Camiguin.
Matud ni Lt. Col. Cinco, tungod kay nakita ni Governor JJ Romualdo nga aduna nay ihap sa Person Under Monitoring sa isla, hinungdan nga buot niini nga mas maprotektahan ang katawhan sa corona virus disease kon covid19.
Buot usab ni Gov. Romualdo og dugang measures, aron masiguro ang health safety ug welfare sa katawhan sa probinsiya.
Nasayran nga gawas niini, gipatuman usab sa isla ang curfew gikan sa alas 10 sa gabei hangtud alas singko sa buntag.
Samtang, gitugutan lamang nga negosyo sulod sa probinsiya mao ang grocery, bangko ug kamerkaduhan.
Giklaro usab ni Police Lt. Col. Cinco nga wala nay gitugutan nga makasulod sa isla, gawas sa mga basic commodities alang sa probinsiya.
Buot ipasabot adunay special nga biyahe sa lansa alang sa mga pagkaon nga isulod sa isla, apan walay labot niini ang mga sumasakay o mobisita sa isla.
Mahinumduman nga gibawal na ni Governor JJ Romualdo ang pagpasulod ug paggawas sa isla karong panahona.
