Probinsya sang Iloilo nagalaum nga makuha ang Galing Pook Award

ILOILO – Nagalaum si Provincial Population Office (PPO) chief Ramon Yee nga makuha ang Galing Pook Award sa awarding ceremony karon sa gab-i pinaagi sa proyekto ni Gov. Arthur Defensor Sr. nga pagtukod sang mga Teen Centers sa probinsya.

Suno kay Yee, sa tion nga makuha sang probinsya ang award, mangin pamatuod ini nga ang pagpahamtang sang Teen Centers sa mga buluthuan ang makabulig gid sang dako sa mga pamatan-on sa paggamit sang ila oras sa husto kag produktibo nga pama-agi.

Sa karon may 48 na ka Teen Centers sa probinsya sang Iloilo kag may duha pa nga natalana inagurahan antes magtakop ang tuig. Nagapasalamat naman si Yee sa mga ginikanan lakip na sa mga ahensya – publiko man ukon pribado sa ila suporta sa nasambit nga programa.


Ang Galing Pook Award nagakilala sa mga programa sang Local Government sa pag-improbar sang kabuhi sang mga pumuluyo.

Facebook Comments