Problema sa illegal nga droga, nitaas panahon sa community quarantine

56

Natagad sa Police Regional Office 10 ang pagtaas sa transakyon sa illegal nga droga sa rehiyon panahon sa community quarantine.

Sa interview sa RMN Malaybalay ngadto kang PNP 10 Regional Spokesperson Police Lt. Col. Mardy Hortillosa, giklaro niini nga walay laboratory sa shabu sa Northern Mindanao ug gikan sa gawas sa region 10 ang tinubdan sa illegal nga droga.


Gipahayag sa opisyal nga gisabay sa mga cargo ang mga illegal nga droga ug nitaas ang demand hinungdan nga ilang gihimo ang mga anti illegal drug operations.

Nasayran nga sunod-sunod ang mga anti illegal drug operation ang gipahigayon sa kapulisan sa probinsya sa rehiyon.

Sa karon dili pa usab mabuyag sa PNP ang uban pang detalye nga ilang nakuha kalabot sa kalihukan sa illegal nga droga tungod kay kamulo pa ang ilang gihimong imbestigasyon.

Gidugang pa ni Col. Hortillosa nga wala pa gayod nahunong ang operasyon sa illegal nga droga tungod kay usa kini ka simpleng panginabuhian sa pipila ug aduna usay demand.

Tungod niini, nagpahimangno ang opisyal nga dili nila lung-an ang mga tawo nga padayon nga nalambigit sa illegal nga droga.




Facebook Comments