Gilimpyohan ang bulletproof glass panel ug gi andam ang presidential seal sa podium, sa dihang liboan ka mga suporter sa administrasyon ang nag huot sa gym.
Kini human ang gitakdang paghidangat ni Presidente Duterte sa Marawi City niadtong Biyernes.
Pag abot sa alas 4 sa hapon, samtang natapos na ang pakig piulong sa mga senatorial candidates sa administration lakip na ni kanhi special assistant Bong Go, wala pa gihapon mitunga ang Presidente.
Paglabay sa pipila ka minutos, usa ka helicopter ang milanding sulod sa Kampo Ranao, pipila ka kilometro gikan sa Dimaporo Gymnasium sa Mindanao State University (MSU) campus,kung asa gihimo ang proclamation rally sa local candidates sa Partido Demokratiko Pilipino – Lakas Ng Pilipino (PDP-Laban) sa Marawi City ug Lanao del Sur.
Human niini, sa walay igo nga explanation, gikuha gikan sa stage ang presidential seal ug ang bulletproof glass panel .
Walay anunsyo o explanation ang gihatag kung nganong wala mitunga ang presidente.
Si Go ug ang ubang PDP-Laban senatorial candidates nga anaa sa gym – Franciscso Tolentino, Sajid “Dong” Mangudadato, Ronald “Bato” dela Rosa, mibiya usab sa stage human sa ilang mubo nga mensahe nga walay gihatag nga explanation.
Nanglakaw usab ang mga Local leaders sa PDP-Laban nga gisundan sa ilang mga supporters.
Alas 6 sa gabie usa ka lokal leader sa PDP-Laban nga wala na magpa ila, ang miingon nga gipahibalo sila nga gi cancel sa presidente ang iyang pagbisita sa Marawi gumikan sa weather condition.”
Adunay kalit nga pagbundak sa ulan bandang alas 2 sa hapon apan wala ra kini magdugay.
