Program Manager naka-basi sa Amerika Nitambong sa Youth Conference For Climate Change-Mindanao Leg sa Kiamba, Sarangani Province

6

Sarangani Province—Wala pakyasa ni Ms. Kelsey Evans, naka-basi sa Washington, D.C. sa nasud Amerika og maoy international program manager sa Climate Reality Project, usa ka world-wide educational and advocacy organization, nga tambungan ang opening salvo sa nagpadayon karon nga Conference of Youth, Youth in Climate Change Action-Mindanao Leg nahitabo mismo sa lungsod sa Kiamba, Sarangani Province, sa pakig-alayon sa Sulong Kabataan program ni Governor Steve Chiongbian Solon, National Youth Commission og Climate Change Commission.

Una nang nagpahigayon og susamang event para sa Luzon Leg didto sa Quezon City atong bulan sa Hulyo, gisundan sa Visayas nga nahitabo sa Tacloban City niaging bulan sa Agosto, og ang Mindanao Leg nga natigayon karon sa Sarangani.

Ang Climate Reality Project ang gimugna mismo sa naila nga environmentalist og maoy bise presidente sa panahon ni US President Bill Clinton nga si Vice President Al Gore. Gituyo matud pa pag-organisa ni former US Vice President Al Gore ang Climate Reality Project aron makahatag og mas komprehensibo og sayantipiko nga pagtuon, pagsabot og paghatag solusyon og opsyon sa hisgutanang climate change og climate crisis.

Gipasalamatan na lamang ni Evans si Governor Solon tungod sa pag-uyon og pagsuporta nga sa Sarangani Province ipahigayon ang youth conference for climate change action nga giapilan sa mga aktibong environmental youth leaders sa entiro isla sa Mindanao.

Facebook Comments