PROGRAMA ALANG SA IKA-103 NGA KASUMARAN SA KATUKORAN SA BUKIDNON, NAKA-ANDAM NA

200

NAKAANDAM na ang programa alang sa pag handum sa ika-103 nga kasumaran sa katukoran sa Bukidnon, karong Setyembre 1, 2017 sa Kaamulan Open Theater, syudad sa Malaybalay.

Uban sa tema nga“*Care for Bukidnon… Care for the Next Generation” (Pag pangga sa Bukidnon, Pag-amuma sa Sunod nga Henerasyon)*, ang programa sugdan pinaagi sa Ecumenical Prayer nga paga pangunahan nila Bishop Jose Cabantan, D.D., Bae Inatlawan Adelina D. Tarino ug Imam Zubair Langilao. Mo sunod ang parade of colors, pag kanta sa Nasudnong Awit ug Provincial Hymn,pagpataas sa Provincial Flag nila Governor Jose Ma. R. Zubiri, Jr. ug Vice Governor Alex P. Calingasan ug ang pagpataas sa City/Municipal Flags samga Mayor uban ang ilang mga kapikas sa kinabuhi.

Ipa-ila-ilausab sa Goberbador ang dinapit nga mamomolong kinsa mao si NEDA Region 10 Director Leon M. Dacanay, Jr.


Sa maong okasyon, ipahigayon usab ang naandan na nga Awarding of Certificates sa Handog Titulo Program sa Pangagamhanang Probinsyal, pinaagi sa Provincial Environment and Natural Resources Office (PENRO) ug ang Certificate of Land Ownership Award (CLOA) gikan sa opisina sa Department of Agrarian Reform.

Subay sa maong okasyon, dili na mahinayon ang pagpahigayon sa civic parade sa Foundation Day agi ug pagrespito sa mga igsoong Muslim sa ilang pagtamud sa Eid’lAdha (Feast of Sacrifice), nga natunong usab sa kasumaran sa pagkatukod sa Bukidnon karong bulan sa Setyembre.

Facebook Comments