Provincial Government ginamanduan sang DOLE sa pagbayad sa masobra P1.4 million pesos sa 15 ka mga security guard sang RMPH!

235

Roxas City, Capiz – Ginhatagan sang napulo ka adlaw nga ultimatum sang Department of Labor and Employment(DOLE) ang provincial government sang Capiz nga mag-akto angut sa order nga pagbayad sang kapin P1, 436,805.77 pesos sa benepisyo sang 15 ka mga mga security guards sa RMPH nga gin-hire sang nakaligad nga administrasyon.
Ang mga ini ang mga security guards sang Black Wing Security Services nga gin-assign sa nasambitan nga government hospital nga ginhire humalin sang Hulyo 1, 2018 tubtob Hunyo 30, 2019.
Ini matapos nga pila ka mga kakulangan ang nakit-an sang DOLE makaligad ang ginpatigayon nga inspections angut sa kapaslawan sang RMPH kag Black Wing Security Services nga mabayran ang husto nga sweldo kag benepisyo para sa nasambitan nga mga security guards.
Maluwas nga underpayed ang mga ini sa ila sweldo, wala man sila mabayaran sa regular holiday pay, non-payment sang special holiday premium, 13th month pay, wala ang mga ini naka-avail sang 5- day service incentive leave(SIL),wala mabayran ang night shift differential(NSD) samtang wala man mahulogan ang ila nga PAGIBIG kag PhilHealth benefits.
Ginsiling sang hepe sang provincial legal council nga si Atty Boy Contreras, nga magafile sila sang notice of appeal padulong sa DOLE para mapaiway anay pagtuman sa amo nga mando samtang padayon pa ang kaugalingon nila nga imbestigayson.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers