Provincial Government sang South Cotabato magahatag tribute kay Bishop Gutierez, SP nagpasar sang resolution nga nagapalab-ot sang simpatiya.

14

Nagpalab-ot sang kasubo ang provincial government sang South Cotabato sa nangin kamatayon ni Bishop Emeritus Dinualdo Gutierez nga nagserbi man sa probinsya sang malawig nga tuig kag tungod sa nahatag sini nga impluwensya sa kabuhi sang katawhan.
May-angot sini, ginmanduan ni South Cotabato Governor Daisy Avance Fuentes ang Human Resource Management Office nga iplastar kon paano makahatag sang tribute ang provincial government bag-o ilubong si Bishop Gutierez tungod sa malawig nga tuig nga nangin spiritual mentor ini sang lokal nga panggobyerno.

Samtang, sa ginpatigayon nga regular session kahapon nga adlaw nagpasar man sang resolution ang Sangguniang Panlalawigan sang South Cotabato nga nagahatag sang simpatiya sa pamilya ni Bishop Gutierez kag mga nahimo sini para sa probinsya.
Suno kay Vice Governor Vicenti de Jesus ihatag naman ang nasambit nga resolution kadungan sang ipatigayon nga tribute sang provincial government.
Nahibaluan nga napatay si Bishop Gutierez tungod sa balatian sang Pebrero 10 sang aga sa edad nga 79 kag nagapanguna man ini sa nagapamatok sa Tampakan copper-gold project rason nga hugot nga ginsuportahan ang pagban sang open-pit mining sa South Cotabato.
Sa subong nahaya ang bangkay ni Bishop Gutierez sa covered court sa likod nga bahin sang Christ the King Cathedral.
www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers