Provincial IATF, magapatigayon sang coordination meeting may kaangtanan sa ginpaguha sang National IATF nga Resolution Number 101!

Roxas City, Capiz – Natalana nga magapatigayon sang sinapol subong nga semana ang mga katapo sang Provincial IATF may kaangtanan sa ginpapanaug sang National IATF nga Resolution Number 101 kun sa diin nasaad nga indi na kinahanglan ang travel authority kag medical certificate sa pagbyahe.
Apang sa pihak sini, ginpahayag ni PDRRM Officer Jing Pelaez nga base sa Joint Resolution Number 3 sang Regional Inter Agency Task Force 6 Regional Task Force, mangin ‘status quo’ lang anay ang mga requirements sa pagbyahe sang mga LSIs.
Buot silingon suno kay Pelaez nga dapat gihapon nga magpreparar sang travel requirements ang mga Locally Stranded Individuals (LSIs) antes sila batunon sang ila local government units ( LGUs).
Ang mga requirements amo ang medical certificate, kag Certificate of Acceptance halin sa mga LGU kun sa diin sila mapauli.
Ginpahayag dugang ni Pelaez nga ginahulat pa sa subong nga ma-pinalisar ang StaySafe.ph kag S-Pass applications nga amo ang pagagamiton bilang bag-o nga sistema.
📷 PDRRMO Capiz

Facebook Comments