Provincial Jail nag-umpisa na baton sang mga ginacommit nga inmates, apang kinahanglan ipaidalom anay sa COVID-19 testing, pagcommit ginaplastar nga i-schedule.

31

Nag-umpisa na baton sang mga ginacommit nga preso halin sa mga police stations ang South Cotabato Rehabilitation and Detention Center (SCRDC), apang kinahanglan nga ipaidalom anay ang mga ini sa Covid-19 testing.
Suno kay OIC Jail Warden Felicito Gumapac ini ang base naman sa ginpaggwa nga kamanduan ni DILG Secretary Eduardo Año kag ang police station na mismo suno pa ang magpa-test sa mga i-commit nga mga preso agud nga masiguro nga negatibo ang mga ini sa coronavirus disease ukon COVID-19.
Samtang ginaplastar niya suno kay OIC Warden Gumapac nga may schedule ang pagcommit sang mga preso sang mga police stations nga dapat tapuson anay ang 14 days quarantine bag-o magbaton naman agud nga indi magginutok ang mga ini sa isolation area.
Sa subong ginabutang niya suno pa ang mga ginacommit nga mga preso sa bag-o nga building nga wala pa natapos.
Aminado man si Gumapac nga sa temporaryo nga pag-untat nila baton sang mga preso sa Provincial Jail tungod sa kabalaka nga masudlan sang COVID-19 ang pasilidad nagreklamo gid man ang mga police stations tungod nagginutok ang mga preso sa ila lock-up cell kag ginpaisplikar man sila sang korte.

Facebook Comments