“Provincial musabaqah” sa Sarangani -gidayeg

20

Malipayon nga nahuman kagahapong adlawa, adlaw nga Lunes, ang tulo (3) ka adlaw nga Provincial Musabaqah (mu-sa-ba-kah) gipahigayon sulod sa Kapitolyo sa Sarangani, nagsugod niagi pang adlaw nga Sabado.

Musabaqah nagpasabot nga Intramurals sa mga kabataang Muslim nga nagtungha sa mga Arabic school gitawag nga madrasah. Dili lang sports ang giapilan sa sobra dos mil kinintos (2,500) ka mga kabataan kundili apil na ang academic og literary, hilabi na ang ilang mga nakat-unan sa Qur’an.

Apan mas labing nagpasalamat ang mga ustadz tungod kay nibisita mismo sa ilang culmination program kagahapon ang delegasyon sa Bangsamoro Transition Commission o B.T.C. gikan pa sa Cotabato City gipangunahan ni Professor Raby Angkal, ang chief of staff sa BTC. Anaa pud si Engineer Misuari Abdullah, ang program manager sa OPAPP South Central Mindanao kon Office of the Presidential Adviser on the Peace Process ilalum sa opisina ni Secretary Jess Dureza.

Segun ni Professor Angkal, naka-schedule nga muabot sa Sarangani ang chairman sa Bangsamoro Transition Commission og maoy first vice chairman sa MILF kon Moro Islamic Liberation Front nga si Ghadzali Jaafar. Apan tungod kay gipatambong ni Pangulong Rodrigo Duterte sa ASEAN Summit, sila ang gipadala.

Buot pasalamatan ni Angkal ang liderato ni Governor Steve Chiongbian Solon tungod sa pagtutok sa edukasyon sa mga kabataang Moro hilabi na ang pagsuporta sa madrasah. Importante matud pa nga ma-edukar sa saktong pagtulun-an ang mga kabataan.

Ang Bangsamoro Transition Commission ang gimugna sa nasyonal nga gobyerno aron maoy mututok sa B.B.L. kon Bangsamoro Basic Law.

Sa bahin ni Engineer Abdullah sa OPAPP, namahayag ang nasangpit nga nakadayig kini sa pagdumala sa Sarangani Province. First time matud pa niyang nakita nga ang usa ka Kristyano nga gobernador ang adunay dakong pagmahal sa mga kaigsoonang Muslim og bisan pa sa mga Lumad. Kung kuntento ang mga katawhan sa pagpadagan, walay rason matud pa nga muuyon kini sa violent extremism kon teroristang kalihukan. Nagbutyag ang opisyal nga adunay paabuton sunod tuig ang Sarangani Province nga P17.6 Milyon alang sa proyekto sa PAMANA gikan sa OPAPP.

Anaa sa culmination program sila Governor Solon og Vice Governor Elmer De Peralta, og suportado nila Senador Manny og Congressman Ruel Pacquiao, mga board member og mga mayores. (news from: Governor’s Office of Sarangani)

Facebook Comments