General Santos City—Girelieve na sa puwesto ang Police Provincial Director sa South Cotabato Police Office nga si Police Senior Supt. Nestor Salcedo ug chief of police sa Polomolok Municipal Police Station nga si Police Supt. Josemarie Simangan.
Ang kamanduan subay sa direktiba sa national headquarters, kini may kalabutan matud pa sa gihimong imbestigasyon sa nahitabong operasyon sa mga otoridad sa Barangay Polo, Polomolok nga gikamatay sa usa ka mag-uuma ug environmental advocate nga si Rodrigo Samling.
Kahinumduman nga napatay sa pulis si Samling human matud pang nisukol sa kapulisan niadtong Oktubre 31, ning kasamtangang tuig apan aligasyon sa pamilya niini wala nisukol ang biktima inay gituyo kini ug patay sa mga pulis dihang ilang gi-served ang warrant of Arrest batok kang samling.
Nasayran nga si DENR Secretary Gina Lopez mismo ang nag resquest nga pa-imbestigahan ang maong kaso. Ug aronh nga dili maapektuhan ug mahimong patas ang imbestigasyon, girelieve si Salcedo ug si Simangan.
Si Salcedo anaa na karon nakabase sa Sultan Kudarat Police Office samtang gipuli usab kaniya si Police Senior Superintendent Joel Borbon Limson Jr. isip bag-ong police provincial director sa South Cotabato Police Office.
Samtang puli usab kang simangan si Police Supt. Samuel Cadungon, samtang si Simangan anaa na karon i-assign sa Police Regional Office-12.
