Proyektong patubig sa Barangay Miglamin, Malaybalay City, giturn-over

38
Gipahigayon kagahapong adlawa ang seremonya sa pag turn-over sa bag-ong nahuman nga Small Water Impounding Project (SWIP) diha sa Sitio Lunokan sakop sa Barangay Miglamin, ning dakbayan sa Malaybalay.

Ang maong proyekto nga gitunol mukantidad sa 18 milyones alang sa pagtubag sa dugay na nga gikinahanglan sa mga mag-uuma sa nasangpit nga dapit.

Pinaagi niini nga proyekto mahimu matud pa nga maka benepisyo ang mga mag-uuma sa Sitio Lunukan ug mas mapalambo pa nila ang produksyon sa ilang mga tinanum nga mga humay lakip ang uban pa nilang produkto.

Lakip sa mga mitambong sa gipahigayon nga turn-over ceremony mao sila si Dir. Carlene C. Collado sa DA-10, Engr. Noemi H. Delos Reyes sa City sa City Agriculture Office, Punong Barangay Elegio S. Palluto sa Brgy. Miglamin, ug si Malaybalay City Mayor florencio T. Flores, Jr.

Diin nga atul sa kalihukan gibutyag sa Mayor, nga ang gitunol nga proyekto sa DA naglaum siya nga kini ampingan sa mga benepisyaryo nga mao ang mga mag-uuma aron nga masustinar pa kini hangtud sa pipila pa ka mga katuigan.

Samtang, mapasalamaton usab kaayo ang mag-uuma sa maong dapit, tungod kay dili na nila matud pa kinahanglan nga mag depende sa ulan aron nga makatanum ug makahimo na sab kini sa pagpalambo diha sa ilang pagpanguma.

Facebook Comments